Қымыздан құнды дәрі жасауға болады

Қазақтың ұлттық тағамдарының бірі – қымыздың денсаулыққа шипасы туралы білеміз. Ал қымыз құрамындағы қатерлі ісікті жоятын химиялық заттар жайлы біле бермеймін. Сол жөнінде толық дәйектер келтіріп бере аласыздар ма?
Ерболат ИСАНОВ, Батыс Қазақстан облысы
Бие сүтінде лактоферрин атты ақуыз түзіледі. Бұл зат жөнінде толығырақ қы­мыз­ды зерттеуші Зұлхарнай Сейітов былай дейді:
«Қазір бұл ақуыздан Ресей ғалымдары қатерлі ісікке қарсы дәрі жасауда. Ақуыз­дың бір грамының құны – 4 мың АҚШ долларына тең. Сегіз-тоғыз жыл бұрын Алматыда моң­ғол ғалымдарының қаты­суы­мен өткен бас­қосуда қымыздың пай­дасы жөнінде баян­дама жасаған едім. Сонда Моңғолия Ғылым академиясының президенті тұрып: «Егер сен қымыз өн­ді­рісін дамытсаң, дүниежүзіндегі ең бай адам боласың. Неге екенін білесің бе?» – деп сұрады. Менің жауабым дайын еді, «лак­тоферриннен дәрі жасасақ, әрине, бай боламыз» деп жауап бердім. Сөйтсем, Моңғолиядан Швеция лактоферриннің      1 гра­мын 150 долларға сатып алады екен. Ал сол 1 грамды дәріге айналдыру арқылы олар 10 мың доллар пайда тауып отыр».