Қосымша жүктеме үшін ақы қалай есептеледі?

Мен мектепте алғашқы әскери дайындық пәнінің мұғалімі болып жұмыс істеймін және оған қосымша тоғыз сағат жүктемем бар. Менің еңбек жалақым қалай есептелінуі тиіс?
Боранбай Сүлейменов, Оңтүстік Қазақстан облысы
Сарапшы мамандардың мәліметіне сүйен­­сек, азаматтық қызметшілерге ең­бек­ақы төлеу жүйесі «Азаматтық қызметшілерге, мем­ле­кет­тік бюджет қаражаты есебінен ұсталатын ұйымдардың қызметкерлеріне, қазы­налық кәсіпорындардың қызмет­кер­ле­рі­не еңбекақы төлеу жүйесі туралы» Қазақ­стан Республикасы Үкіметінің 2007 жылғы 29 желтоқсандағы №1400 Қаулысымен рет­те­леді.
Қаулының 3-тармағына сәйкес ұйымдар қызметкерлерінің лауазымдық жалақылары (ЛЖ) атқаратын лауазымдарының лауа­зым­дар санаттарына жатқызылуына және ма­ман­дығы бойынша жұмыс стажына, та­ғайын­далған біліктілік разрядтарына (жұ­мыс­­шылар үшін) қарай лауазымдық жа­ла­қы­ларын есеп­теу үшін бекітілген тиісті коэф­фи­циенттерді Қазақстан Республикасының Үкіметі белгілеген базалық лауазымдық жалақының (БЛЖ) мөлшеріне көбейту жолы­мен айқындалады.
Қаулыға 1-қосымшамен бекітілген Аза­мат­­тық қызметшілердің санаттар бойынша лауазымдарының тізіліміне сәйкес барлық мамандықтағы мұғалімдерге (біліктілігі жо­ғары деңгейдегі маман) еңбекақы төлеу G-9 санаты бойынша, біліктілігі орта дең­гей­де­гі мамандарға - G-11 санаты бойынша жүр­гізіледі.
Бүгінгі күнге БЛЖ мөлшері 17697 теңгені құ­райды.
ЛЖ есептеуде колданылатын коэф­фи­циент­тер Қаулыға 2-қосымшамен бе­кі­тіл­ген.
ҚР білім және ғылым министрінің 2008 жыл­ғы 29 қаңтардағы № 40 бұйрығына сәй­кес педагогикалық қызметкерлердің айлық жалақысы тарифтік ставканы (лауазымдық жала­қыны) олардың апталық нақты жүк­те­ме­сіне көбейту және шыққан нәтижені бел­гіленген нормативтік апталық оқу жүктемесіне бө­лу жолымен белгіленеді.