Қауіпсіздігіңе кепілдік беретін елдер

Жер бетінде қылмыс болмайтын, адамдары кенет қазаға ұшырамайтын ел жоқ екені белгілі. Соған қарамастан қай мемлекетті «өмір сүруге ең қауіпсіз ел» деп атауға болады?
Нұрлан ЕСКЕНДІР, Алматы
Әлемнің көптеген елдері қылмыс атау­лыны ауыздықтай алмай отыр. Адам өмі­ріне қауіпсіз елдердің рейтингісі, ең ал­дымен, ел­дегі қылмыстық көрсеткіш­тердің төменді­гімен есептеледі. Сол бойынша қа­рағанда әлемнің ең қауіпсіз елі Исландия екен. Бұл ел­дің азаматтары заңды ерекше құр­меттейді. Қылмыстық көрсеткіштер өте төмен. Тіпті қыл­мысқа барған азаматтары­ның да қоғам­ға қаупі аз деп бағаланады. Сон­дықтан бас бостандығынан айырылған­дар демалыс күн­дері үйлеріне жіберіледі. Екінші орында Ир­ландия тұр. Бұл ел Еуропа бойынша қа­сақана адам өлтіру оқиғасы ең аз болатын ел. Алғашқы бестікке Кипр, Да­ния және Жа­пония кіреді екен. Халық санының көп­тігіне қарамастан, жапондар ұрлық-қар­лыққа бейім емес елдердің қа­тарында. Тіпті қымбат бұйымды өзіңіз жо­ғалтып алсаңыз да ізін тауып өзіңізге қай­тарылуы бек мүмкін. Бұл көр­сеткіш бо­йын­ша алғашқы ондыққа Люк­сембург, Нор­вегия, Швейцария, Сингапур және Жаңа Зеландия да кіреді.