Ұлы Отан соғысына қатысқан ақын-жазушыларымыз аз емес. Қасым Аманжолов та соғысқа қатысқан екен. Қасым Ұлы Отан соғысына қай жылдары қатысты?
Арай Болатбекқызы, Балқаш
Қасым соғыстан кейін жазған күнделігінде: «Мен Отан соғысына 1941 жылдың 4 ағусында кеттім де, 1945 жылдың 20 июнінде демалысқа келдім. Құсатай Сүлейменов деген жақын інімнің ізденуі арқасында әскерден босадым. Жазушылар союзы, оның бастығы Сәбит Мұқанов менің әскерден босауыма, әдебиет жұмысына араласуыма жөнді көмек көрсете алған жоқ. Сәкең, әдетінше, құр сөзбен жарылқады. Жалғыз мені емес...» – деп жазады. Қарап отырсақ, ақын соғыс басталғаннан аяқталғанға дейін толық қатысқан. Жорық жолдарын жырға қосып, «Абдолла», «Елге хат» және өзге де өлмес туындылары арқылы қазақ қанындағы қайсар рухты жаңаша өрнектеген. Қасым соғыс жылдары ұрыс қимылдарынан тыс кезде жауынгерлерге саяси-патриоттық үгіт істеріне көптеп қатыстырылған екен. Майдан газеттеріне, елдегі басылымдарға отты жырлары тұрақты жарияланып тұрған.
Қасым – майдангер ақын
Последние статьи автора