Қандай мәліметтер мемлекеттік құпияға жатпайды?

Менің мемлекеттік құпияға жатпайтын мәліметтер жайлы білгім келеді? Мемлекеттік құпияға жатпайтын мәліметтердің сипаты қандай болады? Бұл мәселе заңымызда көрсетілген бе?
Нұрбол, Жезді қаласы
1999 жылдың 15 наурызында Мемлекеттік құпиялар туралы №349-І заңы қабылданған. Сол заңда азаматтардың қауіпсіздігі мен денсаулығына қауіп төнді­ре­тін төтенше жағдайлар мен апат­тар және олардың зардаптары, сон­дай-ақ табиғи зілзалалар, олар­дың ресми болжамдары мен зардаптары, экологияның, ден­саулық сақтаудың, санитарияның, де­мографияның, білім берудің, мәде­ниеттің, ауыл шаруашылығы­ның жай-күйі, сондай-ақ қыл­мыс­тылықтың жай-күйі туралы, мем­лекет азаматтарға, лауазым­ды адамдарға және ұйымдарға бе­ретін артықшылықтар, өтем­ақы­лар және жеңілдіктер, азамат­тың құқықтары мен бостанды­қ­тарының бұзылу фактілері, ҚР Ұлттық Банкі алтын-валюта актив­терінің және бағалы металдар мен асыл тастардың үкіметтік (бюд­жеттік) резервінің мөлшері, мем­лекеттік органдар мен ұйым­дар­дың, олардың лауазымды адамдарының заңдарды бұзу фак­тілері туралы мәліметтер мем­ле­кеттік құпия болып саналмай­ты­ны жазылған. Заңда егер де осы жайт­тарды мемлекеттік құпия­лар­дың сапына енгізу туралы шешім қабылдаған лауазымды тұлғалар болса, олар заң алдында жа­уап беретіні айтылған.