Пластикалық бұйымдарды ұқсататын кәсіпорындар бар ма?

Қазір Алматы қаласының кез келген бұрышында пластикалық бөтелкелер, ыдыстар шашылып, қоқыс-қалдықтарды көбейтуде. Білейін дегенім, біздің елде осы пластикалық бұйымдарды өңдейтін зауыттар немесе кәсіпорындар бар ма?
Арсен ЖАРЫЛҒАПОВ, Алматы қаласы

Оқырман сауалына орай айта­ры­мыз, біздің елде пластикалық өнім­дерді өңдейтін шағын цех әзір­ге тек Қостанай облысында ғана бар. Бұл цехта пластикалық ыдыс­тар, бөтелке­лер өңдеуден өтіп, та­уар­лар сауда на­рығына шығары­ла­ды. Жерге тө­сей­тін брусчаткалар, ғи­мараттың сыр­тын қаптауыштар және басқа да көп­теген дүниелер цехта қазір тек үлгі ретінде дайын­да­лып жатыр. Не­гізі, бұл цехта өн­діріске қойылған та­уар түрі – кана­ли­зация қақпақтары. Са­пасы жағы­нан оның шойын қақ­пақ­тан айыр­ма­сы аз, 10 тоннаға де­йінгі сал­мақ­қа төтеп береді. Ал тиім­ділігі жа­ғы­нан алсақ – салмағы же­ңіл, ба­ғасы арзан. Цехтың өндіріс­тік қуа­ты бір айда 10-15 тоннаға де­йін плас­ти­ка­лық қалдықтарды өң­деу­ге же­теді. Цех­та шикізат есебінде по­­ли­э­тилен қап­­шықтары мен пласти­ка­­дан жасал­ған барлық бұйымдар пай­дала­ны­лады. Олар қоқыс төгі­ле­тін орыннан, түрлі кәсіпорын­дар­дан әкелінеді. Белгілі бағасына жеке­леген тұлғалар да тапсырады. Жалпы, «мұн­дай кәсіп­орын үшін ши­кі­зат тап­шылығы бол­мауы тиіс» дей­ді цех ма­ман­дары.