Панасыз қалған балалардың саны қанша?

Мені еліміздегі ата-анасының қамқорлығынсыз қалған балалардың тағдыры толғантады. Жақында шетелдік журналдардың бірінен Еуропада жыл сайын ата-анасының қамқорлығынсыз қалған балалар санының артып келе жатқаны жөнінде дерек оқыдым. Ал біздің еліміздегі ата-анасының қамқорлығынсыз қалған балалардың саны қанша?
Марал БАЙҚАДАМОВА, Талғар қаласы
Қуанышқа орай, біздің елімізде ата-анасының қамқорлығынсыз қал­ған бала­лардың саны Еуропамен салыстырғанда керісінше, жыл өткен сайын кеміп келеді екен. Мәселен, 2006 жылы елімізде 51 294 бала ата-анасының қамқорлығынсыз қалса, 2007 жылы бұл статистика 48 456-ны құраған. Ал 2008 жылы 46 126 болып, 2009 жылы тағы да кеміген үстіне кеміп, 42 494-ке жеткен. Ал өткен жылы 38 386 бала ата-анасының қам­қорлығынсыз қалған. Еліміздегі пана­сыз қалған балалар туралы ресми дерек осылай дейді. Статистика көрсе­тіп отырғандай, панасыз қалған бала­лар санының жыл өткен сайын азайып келе жатқаны байқалады.