Оқуға түсушілерге қандай талап қойылады?

Қаржы полициясы академиясына оқуға түсушілерге қандай талап қойылады?
Ермек Жолдасқалиев, Қызылорда облысы
ҚР Қаржы полициясының мәліметінше, күндізгі оқыту нысаны бойынша Қаржы полициясы академиясында оқу үшін жасы 16-ға толған, жалпы орта білімі бар, қаржы полициясы мен кеден қызметі қызмет­кер­ле­ріне қойылатын талаптарға жауап беретін, денсаулығы бойынша қызметке және оқуға жарамды тұлғалар қабылданады. Академия тыңдаушыларының контингентін қалып­тас­тыру кадрларды даярлаудың мемлекеттік тап­сырысқа енгізу арқылы жүзеге асыры­лады. Оқуға кандидаттарды іріктеуді аумақтық қаржы полициясы және кеден қыз­меті органдары, сонымен қатар акаде­мия жүргізеді. Талапкерлер арнайы міндетті тексерістен, сондай-ақ қызметке жарам­ды­лығын анықтау үшін Қазақстан Республикасы Ішкі істер министрлігінің әскери-дәрігерлік комиссиясында медициналық куәлан­ды­ру­дан өтуі керек. Академияға азаматтарды қабылдау үш кезеңде өтеді: бірінші кезеңде қабылдау комиссиясы кандидаттарды меди­циналық, психофизиологиялық және физикалық көрсеткіштері бойынша іріктейді; екінші кезеңде кандидаттарды қабылдау ҰБТ-ның нәтижелері бойынша берілген мемлекеттік сертификаттағы балдарға сәйкес немесе өткен жылдары жалпы білім беру мектептерінің, бастауыш және орта кәсіби оқу орындарының түлектері үшін кешенді тестілеу нәтижелері бойынша жүзеге асырылады; үшінші кезеңде қабылдау комиссиясы конкурстық іріктеу негізінде кандидаттарды акаде­мия­ның тыңдаушылары қатарына қабыл­дайды. Кешенді тестілеудің нәтижелері ака­демияда тексеріледі.