Мұсылмандардың діни атақ-лауазымдары қандай?

Әр діннің өзіне сай діни атақ-лауазымдары болатынын белгілі. Ислам дініндегі мансаптық атауларды білгім келеді.
Кеңесбек, Алматы қаласы
Ислам дініндегі діни лауа­зым­дар мен атақтар мыналар: 1. Ахун (бау­лу­шы, ұстаз). Бұл лауазым XVIII ғасыр­дың екінші жар­ты­сынан бастап қазақ даласында кеңінен қол­даныл­ған. 2. Ая­толла (Алла­ның бел­гісі, ны­шаны) шииттер үшін бұл ең жоға­ры ру­хани лауазым. 3. Дамолла (би­леу­ші, мыр­за) мешіт пен мед­ресе оқыту­шыла­рының діни лауазымы. 3. Қазы — мұ­сылмандық сот міндетін атқару­шы, төреші. 4. Имам – мұсылман қа­уы­мының бас­шысы. 5. Муаззин – азан шақырушы­ның ла­уазымы. 6. Мудж­таһид – фиқһ (ис­лам құқығы) ғылы­мының білгірі. 7. Мухаддис – хадис­терді терең зерт­теген ғалым. 8. Мухта­сиб – мұсыл­мандықтың моральдық нормала­рын сақтаушы. 9. Мүрид – өз еркімен та­ри­қат жолына тү­су­ші шә­кірт. 10. Пірә­дар – дінге бе­ріліп, дін жо­лын қуған сопы. 11. Қажы – қа­жы­лық парызын өтеген мұсылман. 12. Фа­қиһ – дін заң­гері, Құран сөзінің білгірі. 13. Ха­кім, хаким – даулы мәсе­лені ше­ше­тін тәуелсіз төреші.