Осыдан бір-екі жыл бұрын бисерлі марка шығарылғанын естіген едім. Мұндай ерекше марка қай елде шығып еді?
Бекен МУСИН, Алматы
Сіз айтқандай, бисерлі марканы 2008 жылы Сингапурдың поштасы Перанакан мұражайының ашылуы құрметіне арнап шығарған болатын. Елдегі мәдени мұра жинақталған осы мұражайда, әсіресе, ұсақ моншақтан (яғни бисер) жасалған бұйым көп. Өйткені Перанакан әйелдері өз қолөнерінде түрлі-түсті осындай моншақ түрін пайдаланғанды ұнатады.
2008 жылғы 8 сәуірде шығарылған маркаларда қолдан жасалған таңғажайып бұйымдар, ал пошта блогында ұсақ моншақтан жасалған қолсөмке бейнеленген. Бұл сөмкенің суретіне моншақпен безендірілген марка жапсырылған. Оған тарыдай ұсақ інжу түрі пайдаланылыпты. Бисерлі маркада кермаралдың суреті салынған.