Мақатаев сыйлығы кімдерге берілген?

Мұқағали Мақатаев атындағы сыйлық кімдерге берілген? Бүгінде ол сыйлықты тағайындау неге тоқтап қалды?
Мұрат ӘРМИЯҰЛЫ, Алматы қаласы
Еліміз Тәуелсіздік алғанға дейін қазақ әдебиетіне еңбегі сіңіп, елеулі шығармаларымен ерекше­ленген қалам­герлерге белгілі ақын-жазу­шы­лар атын­дағы ар­найы сыйлық­тар беріліп келді. Ке­йін атаулы сыйлықтардың басы біріктіріліп, Халықаралық «Алаш» әдеби сый­лы­ғы ретінде тағайын­да­латын бол­ды. Қа­зақ­стан Жазу­шы­лар одағы тағайын­даған Мұқа­ғали Мақатаев атын­дағы сыйлық 1985 жылдан 1990 жылға дейін беріліп келді. Ал қазіргі уақытта кейбір орталықтар ұйымдас­тырған ақынды еске алу шараларында өнер адамдарына үлестіріліп жүрген Мақатаев сый­лығы кезін­дегі шығарма­шылық одақ бас­қар­масының арнайы ше­ші­мімен бел­гіленген сыйлы­ғының дәрежесін­дей емес. Сонымен, қа­лам­гер­лер:
• 1985 жылы Несіпбек Айтұлы – «Күміс күйме» поэмалар кітабы үшін;
• 1986 жылы Жүрсін Ерман – «Арай­лы күн» жыр жинағы үшін;
• 1987 жылы Ерік Асқаров – «Кө­гіл­дір» атты өлеңдер кітабы үшін;
• 1989 жылы Аманхан Әлім – «Жа­­ным­ның жапырағы» жинағы үшін;
• 1990 жылы Бауыржан Жақып – «Көзімнің нұры» жыр кітабы үшін және Жаңабек Шаға­тай «Көкө­зек шақ» әңгі­ме­лер жина­ғы үшін  М. Мақатаев сый­­лығы­ның нағыз иелері деп таныл­ған.