Консерватория түлектерінің жұмысқа орналасуы қалай?

Құрманғазы атындағы қазақ ұлттық консерваториясында бакалавр жүйесі бойынша қандай мамандықтар оқытылады? Түлектердің жұмысқа орналасуы қалай?
Ақмарал Төреқұлова, Орал қаласы
Құрманғазы атындағы ұлттық кон­сер­ва­тория «Музыкатану», «Ком­­позиция», «Аспапта орын­даушылық», «Дирижерлеу», «Вокал­дық өнер», «Дәстүрлі музы­калық өнер», «Музыкалық білім беру педагогикасы және пси­хологиясы» және «Арт-менеджмент» мамандықтары бойынша дайындықты іске асырады. Осы мамандықтар бойын­ша магистратура да бар. Консерватория өз түлектерінің сұранысқа ие болуына айрықша көңіл бөледі. Түлектер шығармашылық ұйым­дарына, музыкалық оқу орындарына, ғылыми-мәдени орталықтарға, түрлі студиялар мен бұқ­аралық ақпарат құралдарына жұмысқа орнала­са­ды.
Жыл сайын орташа есеппен түлектердің 91%-ы жұмыс тауып кетеді. Келер жылы оқу орнына 70 жыл толады. Осы уақыт ішінде бұдан түлеп ұшқан мыңдаған маман еліміздің жетекші музыкалық ұжымдарының, концерттік меке­мелері мен академиялық ұйымдарының негізгі құрамын жасақтады.