Киімге де тыйым бар

Қазақтың тұрмысы салт-дәстүрге, ырым-жоралғыға бай. «Адам көркі – шүберек» дейтін халқымызда киімге қатысты қандай ырым-тыйымдар бар? 
Айнұр Тәкенқызы, Алматы қаласы
Киім сатып алғанда халқымыз бір-біріне «киімің – тозғақ, өмірің озғақ бол­сын» деген тілек айтады. Бұл шүберек тозса тозсын, өмірің тозбасын деген мағы­наны береді.  Жас қыздың басына ақ, қа­ра орамал тартпайды. Ақ – жаулықтың, қа­ра – қайғының белгісі. Жаңа түскен ке­лін киім-кешегін қысқартса, нәрестесі кем туа­ды немесе ол түсік тастайды деген түсінік бар. Баскиімді кез келген жерге тас­та­майды, аяққа баспайды, астына басып отырмайды, аяққа кимейді. Олай жасаса, бастан бақ таяды, бас ауруына тап болады дейді. Шалбар мен етікті тұрып кию­ге болмайды. Бұл тек соғыс кезінде ғана рұқсат етілген. Ер адам әйелдің киі­мін кимейді, жаулығын басына салмайды. Сенім бойынша, бұлай еткен азамат ер­кектік қасиетінен айырылады. Аналар үшін мына ырымдарды білген жөн: нәрес­тенің иткөйлегін далаға тастауға бол­майды. Олай жасаған жағдайда  сәби сыр­қаттанып қалуы мүмкін. Сондай-ақ «жын-пері қағып кетеді» деген түсінік бойынша, үлкендер келіншектерге баланы жалаңбас емізуге тыйым салады.