Инвестициялық тәуекелдер дегеніміз не?

«Халықтық ІРО» бағдарламасына қатысып, «ҚазТрансОйл» АҚ акциясын сатып алдым. Жалпы, маған инвестициялық тәуекелдің не екенін тереңірек түсіндіріп берсеңіздер.
Ағыбай, Қарағанды облысы
Қор биржасында басты назарға ұстайтын үш тәуекел бар. Біріншісі – акция бағасының төмендеп кетуі. Бир­жа­дағы құнның тұрақсыздығы – атал­ған нарық үшін қалыпты жағдай. Мұнда өсу мен құлдырау бір-бірімен ұдайы ал­­масып тұрады. Сондықтан қор бир­жа­сы жаңалығын құр жібермей, акция ба­ғасы өскенде пайда тауып, құл­­ды­рауда шығынды азайту тұрғы­сын­да қам жа­сауыңыз керек. Екіншісі – өтімділік тәуе­келі. Мысалы, сіз сатып алған ба­ғалы қағаздың бүгін өтімділігі жоғары бол­ғанымен, сатпақшы болған кезде оның ешкімге керегі болмай, өтімділік дең­гейі төмендеуі мүмкін. Сондықтан ұтыл­мас үшін әр кез өтімділік деңгейі арт­қан сәтті қадағалап отыру керек.Тіпті өтім­ділік деңгейі күрт төмендесе, қай­та­ланушы рынокқа зейнетақы қоры секіл­ді ірі инвесторлар тартылады, яғни олар акцияларға деген тиісті сұранысты қам­тамасыз етуі керек. Үшіншісі – на­рық­­тағы қолайсыз орта. Бұл жерде біз­дің нарыққа әлемдегі оқиғалардың теріс ықпалы жайында сөз болып отыр. Мұ­най бағасының төмендеуі, табиғи апат­тар және өзге де төтенше жағ­дайлар. Күтпеген әлемдегі оқиға нарық баға­сын бір демде құбылтып жіберуі мүм­кін. Бірақ осындай оқыс жағдайлар ық­пал етпес үшін мемлекетіміз табыс­ты­лығы әлемдік конъюнктураға тәуелді емес компанияларды аталған бағдар­ла­маға қатыстырып отыр.