Ясауи кесенесіне қазақтың қандай тұлғалары жерленген?

Түркістан қаласындағы Ясауи кесенесінде қазақтың қандай хандары мен билері жерленгені туралы ақпарат берсеңіздер екен...
Әділ, Жамбыл облысы
V-VІ ғасырларда іргетасы қаланған Түркістан қа­ла­сының тарихы Есім ханның билікке келуінен бастау ала­ды. Бұл қала XІV-ХVIIІ ғасырлар арасында Қазақ хан­ды­ғының астанасы болды. Сондықтан да ХІV ғасыр­да Ақсақ Темірдің бастамасымен іргетасын қалаған Қожа Ахмет Ясауи кесенесінде көптеген арыстарымыз жерленген. Мәселен, кесене аумағында Қаз дауысты Қазыбек би, Абылай хан, Есім хан, Хақназар хан, Тәуке хан, Қанжығалы қарт Бөгенбай батыр секілді хандар, билер және батырлардың мүрдесі жатыр. Қазіргі тарихшылар жалпы Түркістан қаласының іргетасы біздің заманымыздың 1 мыңжылдығының бас кезінде каланғанын айтады. Өйткені бұл қаланың айналасында тас дәуірі ескерткіштері өте көп. Ол жәдігерлер бұл өңірде әуелгі адам кем дегенде 550 мың жыл бұрын мекен еткенін көрсетеді. Демек, бұл қаладан біздің бергі тарихымызды былай қойып, арғы тарихымызға қажетті жәдігерлер көптеп табылуы әбден мүмкін.