Гүлфайрус Исмаилова нәзік қылқалам шебері еді

Жуырда ғана дүние салған атақты қазақстандық суретші Гүлфайрус Исмаилова­ның шығармашылық өмірбаянын білгім келеді.
Назым Бейсенқызы, Ақмола облысы
Биыл 12 мамыр күні көрнекті кескіндемеші, театр және кино суретшісі Қазақстанның халық су­рет­шісі, Гүлфайрус Мәнсүрқызы Исмаилова 84 жас­қа қараған шағында дүние салды.
Гүлфайрус Исмаилова 1929 жылы Ал­ма­ты қала­сында туған. 1949 жылы Алматы көр­кем­сурет училищесін, 1956 жылы Ленин­град­тың (қазіргі Санкт-­Петербург) кескін­деме, мү­сін жә­не сәулет өнері институтын бітірді. 1947-49 жыл­дары Қазақ мемлекеттік консерватория­сы­ның вокалдық фа­куль­те­тінде оқыды. 1956–57 жылдары Алматы көр­кемсурет училище­сін­де сабақ беріп, 1971–74 жыл­дары Қазақтың ака­де­миялық опера және балет театрында бас су­рет­ші ретінде қыз­мет атқарды.
Нәзік қылқалам шебері Г.Исмаилова бір­не­ше опера, балет, спектакль және кинофильм­дерге де­ко­ра­ция мен костюмдер эскиздерін жа­саған. Актриса ретінде «Аласталған Али­тетте», «Бота­көз», «Қыз Жібек» фильмдерінде ойна­ған. Өз ісінің май­талманы «Қазақстанның ең­бек сіңірген өнер қайраткері» медалімен, «Құр­мет белгісі», «Ха­лықтар досты­ғы», Пара­сат ордендерімен, өнер­ге қосқан сүбе­лі үлесі үшін «Тарлан» сый­лы­ғымен мара­пат­талған.