Ерлерге неге алтын тағуға болмайды?

Мұхаммед пайғамбар хадисінде: «Менің үмбетімнің еркектеріне алтын тағып, жібек киюге тыйым салам», – деген екен. Әлемнің медик ғалымдары да бұл тыйымды растаған дейді. Алтынның зияны мен пайдасын айтып бересіздер ме?
Нұрболат АЙҚЫН, Алматы
Мамандар біраз уақыт бұрын алтын неке жүзікті үнемі тағу әсіресе еркектерге зиян екендігін дәлелдеген. Бағалы металл уақыт өте қышқылданып,  химиялық реак­­ция­лы өнім шығарады екен.
Ал­ ­бұл­­­ зат­­тар­ еркектің жыныстық мүше­сіне, тіпті сексуалдық жүйесіне кері әсер береді деп жазады «Труд» газеті. Жыныс мүшесінің қалыпты жұмысын қай проба­дағы алтын­ның  болсын кішкене милли­грамм оксиді­нің өзі бұзады. Қызығы, ал­тын әйелдер ден­саулығына кері әсер етпейді. Ғалым­дардың түсіндіруінше, әйел ағзасының гормондары және жыныстық жүйесі сырт­қы зиянды нәрселерден жақсы қорғалған, сондықтан қышқылданған металл оларға зиян емес.
Мамандар ер адамдарға қатты қорқу­дың керегі жоқ дейді. Қышқылдану үшін де бірталай жыл кетеді. Металды нейтра­л­дау үшін қолды қайта-қайта жуып, жүзікті тазарту керек. Неке жүзігін тағудың тағы бас­қа жағы: саусақ ұштарында көптеген жүйке нүктелерінің аяқталуы бар. Сақина тағу арқылы біз жүйке импульсте­рінің хабар беруіне кедергі жасаймыз. Сондық­тан тар сақина тағу өте зиянды. Белгілі бір саусаққа үнемі жүзік тағу био­логиялық белсенді нүктелерге әсер етеді. Homeopa­tica.­ru-дың хабарлауынша, бедеу әйелдер сақиналарын мүлдем шешіп тастағанда бала көтерген екен. Мұ­ны медиктер көп­те­ген минерал мен металдардың ағзаға әртүрлі әсер ететін­дігімен түсіндіреді. Қан қысымы жоғары әйелдерге алтын таққан керісінше пайда­лы. Ал басы ауырып, ұйқы­сы қанбайтын­дар сақинамен қоштасқандары жөн.