Ең қорқынышты аттракцион қай елде?

Әлемнің ең қорқынышты аттракциондары қай елдерде?
Ләйлім Дәуренқызы, Астана қаласы
Қатты жылдамдықпен сырғытып алып кетіп, адамның зәресін ұшыра­тын, сонысымен демалушыны кере­мет әсерге бөлейтін аттракциондар дүниежүзінің барлық түкпірінде аз емес. Дегенмен ең қорқынышты аттрак­цион деп жұртшылық Лас-Вегастағы The Big Shot әткеншегін айтады. Жерден 329 м биіктіктегі нысан адамдарды отырғызып алып, 50 м биікке тағы көтереді де, жерге құлдилатып кеп жібереді. Әткеншек сағатына 45 миль жылдамдықпен төмен сырғиды, бұл кезде адамдар астындағы орындығын сезбей, сөз­бен жеткізу мүмкін емес қорқыныш­ты сезімді бастан кешеді. Абу-Даби­дегі Ferrari World аттракционындағы Formula Rossa пневматикалық шана­сы болса, әлемдегі ең жылдам әрі ең үрейлі сырғанақ саналады. Әткен­шек 240 км/сағат жылдамдықпен шыр­ға­лаң тәрізді жолдарды жүйткіп шы­ғады, бұл кезде адамдар ауда­рылып-төңкерілген әсерді бастан өткереді.