Елші де електен өтеді

Елшілер өзге елдерге дипломатиялық жұмыс бабымен ауысқанда барған елдің келісім беру процесі қалай іске асырылады?
Жанна, Алматы облысы
Елшілік — бір мемлекеттің екінші мем­ле­кеттегі елшісі басқаратын дипло­ма­тиялық өкілдігі. Елшілік құрамына елшіден бас­қа ресми дипломатиялық қызмет­кер­лер және қызметшілер енеді. Елшілікті тө­тен­ше және толық құқықты елші басқара­ды. Елші – хаттамалық қатынас бойынша ең жоғарғы дәрежедегі дипломатиялық өкіл­діктің басшысы. Елші мемлекеттердің өзара келісімімен тағайындалады. Ол та­ға­йындалмас бұрын мына сатылардан өте­ді: агреман сұрау; (агре­ман ­– (фр. agré­ment – келісім) –  жолдаушы мемле­кет дипломатиялық лауазымға таға­йын­даған тұлғаға қабылдаушы ел билігінің ке­лісімі. Агреман жолдаушы мемлекеттің сырт­қы істер министрлігі арқылы тек дип­ло­матиялық өкілдіктің басшысынан ғана жаз­баша түрде сұратылады. Агреман жө­нін­дегі жазбалар жария етілмеуі тиіс. Агре­ман беруден бас тарт­қан жағдайда диплома­тиялық өкілді жолдаушы мем­ле­кет­тің оның себебін түсіндіруді талап етуге қа­қысы жоқ) қызметке тағайындалуы; тағайындалған елге келуі; сенім гра­мотасы тапсырылған соң қызметке ресми түрде кірісуі.
Елшінің негізгі міндеттері: Өзін аккре­диттеуші мемлекетпен оның азамат­тарының мүддесін қорғау; Өзі орныққан ел өкіметімен келіссөздер жүргізу; Аккредиттеуші мемлекет пен өзі орныққан мемлекет арасында өзара достық қарым-қатынасты да­мыту; Елші аккредиттеуші елдің аты­нан сөйлейді. Елшілік қызметкерлерінің пайдалана алатын белгілі бір жеңіл­діктері бар. Мысалы: жеке басына, тұрғын үйіне қол тигізбеу, кедендік жеңілдік, мемлекет ішінде еркін жүру құқы. Елшілік ұстау шығыны әр мемле­кеттің өз мойнында.