Домен деген не?

Интернет желісінде пайдаланылатын түрлі домендер бар. Домендерді кім бекітеді және олар қалай жіктеледі?
Ғабит САЛҚЫНБАЙ, Қызылорда облысы
Домен деген – ол сіздің сай­тыңыздың тіркеуден өткен атауы. Домендер екі үлкен бөлікке бөлінеді: Біріншісі – жалпы пайдаланатын домендер (generic TLD немесе gTLD) және екіншісі – ұлттық екі әріпті домендер (country code TLD немесе ccTLD). Жалпы пайдаланатын домендерге COM, NET, ORG, INFO, BIZ, MUSEUM, NAME, AERO, COOP, PRO, INT, GOV және басқа да домендер жатады.
Қазіргі сәтте ISO 3166-1 халық­аралық стандартқа сәйкес, елдер мен аумақтардың екі әріпті кодтар саны бойынша ұлттық домендер (KZ– Қа­зақстан, RU – Ресей үшін, DE – Германия үшін, UK – Ұлыбритания үшін) пайдаланылады. Ұлттық домендерді басқару бойынша өкілеттік елдердің интернет-қауымдастықтарының келісімдері бо­йынша беріледі.
Ұлттық домендерді дамытудың жалпы үрдістері мынадай: бірінші­ден, академиялық желілерден ұлт­тық домендердің операторлар (про­вай­дерлер) бірлестігіне өтуі, сон­дай-ақ қатар тіркеу ережелерін да­йын­дауға елдің интернет-қауым­дас­ты­ғы­ның қа­тысуы: нарықтың кә­сіби қа­тысу­шы­лары, тұтынушылар, қо­ғам­дық (кейде үкіметтік) ұйымдар; екіншіден, домендік атауларды тіркеуде операторлар қатысуының коммерциялық кестелерін дайындау; үшіншіден, домендерді тіркеудің ашық ережелеріне біртіндеп өтуі, шектеулердің алынуы.
Қазақстанда KZ доменін басқару және реттеумен екі ұйым айналысады. Аталған доменнің техникалық жағынан жұмыс істеуіне жауапты Қазақ желілік ақпарат орталығы мен құрамында ұлттық доменді тіркеу және дамыту идеологиясын әзірлеумен айналысатын қазақстандық ІТ-компаниясының қауымдастығы болып табылады.