Демократиялық мемлекеттің негізгі белгілері қандай?

Осы мемлекеттердің демократиялық даму жолы әртүрлі болып келеді. Бұл жағынан демократиялық ерекшеліктері де жоқ емес. Дегенмен демократиялық елдердің ортақ негізгі белгілері қандай?
Меруерт ЕСКЕРБАЕВА, Тараз
Демократияның мақсаты – қоғамда өлшемсіз, ретсіз бостандық орнатып, билікті әл­сірету, бәсеңдету емес, көпшілік үшін қа­жет­ті тәртіп орнату.
Демократия – ол бостандықтың өзі емес, демократия – бостандықты ор­на­ту­дың жолы. Демократия мәселесіндегі ма­ңыз­ды сұрақтың бірі – демократиялық мемлекет қандай болуы керек? Де­мо­кра­тиялық мемлекеттер бір түрде, бір ғана жол­­мен орнықпайды. Бірақ демо­кра­тия­лық мемлекеттердің көп түрлілігіне қа­ра­мас­тан, олардың бәріне ортақ белгілері бар.
Демократиялық мемлекеттің негізгі белгілері:
1. Саяси биліктің негізгі органдарының сайлануы.
2. Шешім қабылдаудағы азшылықтың көпшілікке бағыну тәртібін ресми мойындау.
3. Азаматтардың жалпыға бірдей сайлау құ­қығының болуы.
4. Сайлауда бір орынға бірнеше үміткердің болуы (балама сайлау).
5. Саяси, экономикалық, рухани әртүрлілік.
6. Саяси биліктің үш тармағының болуы.
7. Қарсылықты (оппозицияны) заңдылық ретінде мойындау.
8. Саяси биліктің заңға бағынышты болуы.
9. Қоғамдық-саяси шешімдер қа­был­даудағы жариялылық.
10.Азаматтардың заң алдындағы тең­дігі.