Бүкіләлемдік метеорологиялық ұйымға мүшеміз

Халқымыз көне дәуірлерде жауырынға қарап, алдағы ауа райын болжағаны белгілі. Ал күн райын ғылыми тұрғыдан болжау тәжірибесі қай кезден бері бар?
Әлия Қамбарова, Алматы қаласы
«Қазгидромет» кәсіпорны мамандары­ның мәліметінше, елімізде алғашқы метеорологиялық бақылаулар 1848 жылы Қа­за­лы қаласында жүргізілген. Кейінгі жыл­дары біртіндеп тәжірибе Семей, Қызылорда, Алматы, Орал қалалары мен Ақтөбе облы­сының Ырғыз ауданында қолданыла бас­таған. Ал 1890 жылы Ертіс өзенінде тұңғыш гидрологиялық бақылау жасалды. Өткен ғасырдың 20-жылдарына дейін елімізде 84 метеорологиялық стансы мен 22 гидро­логиялық тұрақ жұмыс істеген. 50-жылдарға дейін метеорологиялық қызмет ғылыми, материалдық-техно­логиялық жа­ғынан жетіле түсті. Кейін атмосфера құрамын анық­тау жұмыстары дами бастады. 1970 жылы Жердің жасанды серіктері арқылы ауа райына қатысты алдын ала ақпарат алу мүмкіндігі пайда болды. Бүгінде ауа райын болжаумен айналысатын еліміздегі негізгі мемлекеттік мекеме «Қазгидромет» – Бүкіл­әлемдік ме­теорологиялық ұйымға мүше. Болжау қызметі халықаралық ISO 9001:2000 сапа сертификатына ие.