Ватиканның әлемдегі ең кішкентай ел екенін білеміз. Бұл мемлекеттің тұрғындарының барлығы діни қызметкер деп естіп едік, сол рас па?
Сәбит Есенұлы, Алматы облысы
Ватиканның халық саны 800 адамнан тұрады. Бірақ солардың 450-і ғана тұрақты азаматтыққа ие. Қалғандары жұмыс істеу мақсатында уақытша тіркелгендер болып есептеледі. Әлемдегі католиктердің орталығы болып есептелетін Ватикан тұрғындарының барлығы дерлік – діни қызметкерлер. Олардың 60-қа жуығы Рим шіркеуінің кардиналы, 298-і Қасиетті тақтың дипломаттары болып есептелсе, қалғандары – қарапайым діни қызметкер. Ватиканның демографиясы жайында бір қызық дерек бар: 1983 жылы бұл мемлекетте бір нәресте де дүниеге келген жоқ.