«Бет айғақ» – сүйінші емес, сыйақы

Қазақта сүйіншінің бір түрі – «бет айғақ» деген салт бар деп естимін. Сол туралы толығырақ айтсаңыздар екен.  Ол қандай салт?
Әсемгүл Мақашева, Солтүстік Қазақстан облысы
Қазақ халқының салтында жоғалған малды, затты тапқан, көрген адамға сү­йін­шісін береді немесе «қалағаныңды ал» дейді.
Ал қылмыстық істерде қылмыскерді, ұры­ны тағы басқа жат істермен жүрген­дер­ді ұстаған адамға сүйінші орнына бе­рі­летін ынталандыру сыйлығы бар. Оның аты – «бет айғақ». Мұнда «бет айғақ» жасаған адамға бұрынғы би­лер кеңесінің тәртібі бойынша табыл­ған малдың, мүліктің, ақшаның бес­тен бірі беріледі. Әрине, әлгі адам қыл­мыс­кердің іс-әрекетін дәлелдеп, айғақты зат­тармен, куәлармен оның мойнына қойып беруге міндетті. Бұл істі елдің билері ақсақалдардың қатысуымен шешеді. Шешім сол сәтте орындалады.