«Бальзак жасы» – қай жас?

«Бальзак жасы» деген ұғым қайдан шыққан? Және оған қай жас мөлшері жатады?
Сәуле, Атырау
Оноре де Бальзактың (1799-1850) «Трид­цатилетняя женщина» (1831) шығармасы шыққаннан кейін 25 пен 35 жас аралығындағы әйелдерді «Бальзак жасындағы» деп атай бастады. Атақты француз романисінің басты кейіпкері  өзінің сезімін білдіруде еркін әрі тәуелсіз, ойын айтуда батылдық танытуымен ерекшеленген болатын. «Бальзак жасы» тер­ми­ні әуелде Бальзактың кейіпкеріне ұқсағысы келген әйелдерді сынап, мысқыл ретінде айтылған. Кейіннен сөз мағынасы өзгеріп, тек жас мөлшеріне ғана қатысты айтылатын бол­ды. Қазір қырықтан асқан әйелдерді солай атайды. Жас мөлшерінің бұлай өзгеруіне физиоло­гиялық негіз әсер еткен. Әйел гормо­нының шыңы – 35-40-қа дейін жетеді, кейбі­рінде тіпті 50-ге дейін барады. Оның үстіне, қазіргі әйелдер өзінің жастығын сақтап қалуға тырысатын болды. Бұрындары құдай қанша берсе, сонша бала таба берем дегендер бүгін­де бір-екі баламен шектеліп, билікке араласып, жеке ой айтып, өзін-өзі биік ұстауға тырысып бағып жатыр. Оған бизнес-бикештердің көбе­юі басты себеп.