Аңшылыққа да рұқсат керек

Аңшылық маусымы басталатын уақыт болды ма және кез келген жерде аң аулап, құс атуға бола ма?
Самат Қасымов, Қостанай облысы
Ауыл шаруашылығы ми­нистр­лігінің хабарлауынша, елі­мізде 1 қыркүйектен бастап не­гіз­гі аңшылық маусымы бастал­ды. Ол 31 желтоқсанға дейін жал­ғасады. Алайда кез келген жер­де емес, арнайы жерлерде ғана аң аулауға болатынын ес­керу керек. Мәселен, елімізде 680-нен астам аңшылық шаруа­шы­лықтары тіркелген.
1 қыркүйектен 30 қарашаға дейін – қаз, үйрек, көгершін және бұлдырық,
1 қыркүйектен 15 қарашаға дейін – сұр қырғауыл, ал 31 жел­тоқсанға дейін қабан мен бор­сық аулауға рұқсат етілген.
Заңға сәйкес, аң аулау үшін мерзімді жылға мемлекеттік баж төленгені туралы белгі со­ғыл­ған аңшы куәлігі, аң аулауға беріл­ген рұқсат қағаз, аңшылық шар­уашылықтың жолдамасы, сондай-ақ оқ-дәрімен атылатын қару ұстауға ішкі істер орган­дарының рұқсаты болуы қажет.
Аңшылық жолдамасын барлық қалалық және аудандық аңшы мен балықшы қоғамда­рынан алуға болады.
Аңшылық ережесін бұзғаны үшін әкімшілік және қылмыстық жазаға тартылатынын есте сақтаған жөн. Мәселен, жыл басынан бері ел аумағында 28 браконьерлік фактісі тіркелген. Олардың төртеуі ғана мемлекетке 26 млн теңге шығын келтірген.