Алматы қаласында неше мешіт бар?

Қазір жастардың көбі имандылық жолға түсіп келеді. Осы ретте менің білгім келгені – Алматы қаласында намазханалар саны қанша және неше мешіт бой көтерген?
Батырхан БОЛАТ, Алматы қаласы
Бұл сұраққа Алматы қаласы орталық мешітінің бас имамы Нұрбек қажы Ес­маған­бет жауап береді:
– Алматы қаласы бойынша қазіргі уа­қыт­та 31 мешіт, 37 намазхана имандылық жолға қызмет етуде. Ол мешіттердің дені алдына қойған ішкі жұмыс жоспарларына сай қызмет атқарып келеді. Мешіт имам­дары өз білімдерін үздіксіз жетілдірумен, жалпы, қоғамның көзқарасының дұрыс қалыптасуына, рухани қажеттіліктерін қа­нағаттандыру жолында еңбек етіп келеді. Сонымен қатар күнделікті бес уақыт намаз­дың Ханафи мәзһабының талап­тарына сай өткізілуі реттеліп, мешіт жама­ғатының ауыз­біршілігі артып, қатары бір­шама көбеюде. Онымен қоса мешіттердегі діни сауат ашу курстары жүйелі түрде қолға алынған.