Әлемдік туристік ұйымға еліміз қашан кірді?

Дүниежүзілік туристік ұйым қандай мақсаттарды көздейді? Құрылымы қандай? Еліміз бұл ұйымға қашан енді?
Еркежан, Алматы облысы
Дүниежүзілік туристік ұйым (World Tourism Organization)  — халықаралық ұйым, Біріккен Ұлттар Ұйымының мекемесі болып табы­ла­ды. 1974 жылы ресми туристік ұйымдар­дың үкіметаралық одағы ретінде құрылды. Дү­ние­жүзілік туристік ұйым мүшелері: толық, қа­уымдасқан және біріккен мүшелерге бөлінеді. Турис­тік ұйымның мақсаты — экономика дамуға, ха­лықаралық өзара қарым-қатынасқа, бейбіт­ші­лікке, гүлденуге, адам құқыларын жаппай құр­меттеп сақтауға үлес қосу үшін туризмді дамытуға жәр­демдесу. Басқарушы органы – Бас Ассамблея.  Ұйымның штаб-пәтері  мен секретариатының тұрған жері — Мадрид қаласы (Испания).
Құрылымы: Бас Ассамблея; Атқарушы кеңес; Жергілікті комиссиялар; Комитеттер; Хатшылығы. Құрамы: Даму бағытындағы серіктестік; Туризмнің дамуындағы сапа; Туризмнің тұрақты дамуы; Нарықты зерттеу статистикасы; Туризмге арналған кадрларды дамыту; Коммуникация мен құжаттар; Туризм және технология; Іскерлік кеңес; Жергілікті үкімет.
Құрамында 156 ел кіретін бұл ұйымға Қазақ­стан 1993 жылы кірген.