Әлемдегі ең ұзын футболшы кім?

Кеше «Шахтер» – «Селтик» ойынын көріп отырып, қонақтардың шабуылшысы Самарастың бойшаң екенін байқадық. Оның бойы нақты қанша екен? Жалпы, әлемдегі ең ұзын футболшы кім? Сондай-ақ қазақ футболындағы бойшаң футболшы кім екенін білуге бола ма?
Б.ТӨЛЕУОВ, Астана қаласы
«Селтик» клубы мен Грекия құра­ма­сының шабуылшысы Йоргос Самарастың бойы – 193 см ғана. Ал футбол тари­хын­дағы ең ұзын футболшы – бельгиялық қақ­пашы Кристоф ван Хаут. «Генк» клу­бының еңгезердей қақпашысының бойы – 2 метр 8 сантиметр.
Одан кейінгі бойшаң футболшылар – қытай шабуылшысы Янг Чангпенг («Шензен Фенпень») және хорват қақпашысы Ваня Ивеца («Элазигспор», Түркия). Екеуінің де бойы – 205 см. Норвегияның «Аалесунд» клубында ойнайтын Тор Хогне Аарой деген шабуылшысының бойы – 204 см.
Бойлары 203-202 см бірнеше фут­болшы бар. Ал Қазақстанның ең ұзын футболшысы – Максим Жалмағамбетов. Осыдан бірер жыл бұрын ұлттық құрама сапында ойнаған қорғаушымыздың бойы – 198 см.