Әйелдің есте сақтау қабілеті жоғары

Білгім келгені: әйел мен еркектің қайсысының есте сақтау қабілеті күшті?
Еркін МҰСА, Өскемен қаласы
Британдық ғалымдар әйелдердің еркектерге қарағанда есте сақтау қабілетінің күшті екенін дәлелдеген. The Daily Mail-дің хабарлауынша, әйел­дер үйленген күндерін, басқа да айтулы күн­дерді ешқашан ұмытпайды. Қашан ұрысып, қашан ренжіскендеріне дейін күйеуінің есіне салып тұрғанға жақсы.
Зерттеушілер әйел миының ерлердің миына қарағанда ақпараттарды кез келген жаста қал­пына келтіре алатын ерекшелігі бар екеніне дәлел тапқан. Кэмбридж университетінің ғалымдары 49-90 жас аралығындағы 4500 британдыққа тә­жірибе жасап, әйелдердің есте сақтау қабілетінің жоғары екендігін анықтаған. Мектеп жасындағы оқушылардан да кішкентай қыздар қатарлас ұл­дарға қарағанда, сабақты тез қабылдағыш әрі ұмытпайтын қабілеті басымырақ екендігі анық­талған. Мұның себебі әлі табылған жоқ. Гормон­дық құрылымы не мидың қызметіне байланысты деген болжам бар.
CANTAB Paired Associates Learning ком­пью­терлік тест барысы көрсеткендей, зерттеу ал­дында мониторда бірінен кейін бірі алты өріс шыққан, оның біреуі түрлі-түсті, қалғаны бос болған. Бұдан кейін зерттелушілерге алты бос өріс көрсеткен, мұның ішінен сынақ тапсырушылар алдында түрлі-түсті болған өрісті табуы керек болған. Бұдан кейін тест түрлі өрістің көбеюімен қиындай берген.