Жеті түрлі шөптен жасалатын дәрі өттегі тасты түсіруге көмектеседі
Өттегі тас бүгінде екі адамның бірінде кездесетін кесел. Ауыз қуысы ашып, жиі кекіру, жүректің айнуы мен тез шаршау сынды көпшілігіміз елейбермейтін белгілермен білінетін оны медицинада ота жасау арқылы алып тастайтынын білеміз. Ал халық емінде оны пышаққа түспей-ақ кетіруге болатын амалдар бар.
Мысалы, мына жеті түрлі шөптен жасалатын дәріні дайындап ішсеңіз, ол өттегі тастың еріп түсуіне жәрдемдеседі. Бұл дәрі былай жасалады: бұрышты жалбыз (мята перечная), екіүйлі қалақай (крапива), дәрілік түймедақ, итмұрын (шиповник) жемісі, дала қырықбуыны (хвощ полевой), өлмесшөп (бессмертник) және спорыш шөбі қажет. Осы шөптердің барлығынан 1 ас қасықтан алып, үстіне 7 стакан су құясыз. Оны баяу отта 10 минуттай қайнатыңыз. Сосын суытып қою керек. Осы қайнатпаны күніне 3-4 рет тамақтан жарты сағат бұрын жарты стаканнан ішу қажет. Емделу курсы – 3 ай. Сосын 10 күн үзіліс жасайсыз. Бұл арада медициналық тексеруден өтіп, тас көлемінің қаншалықты кішірейгенін анықтап алғаныңыз дұрыс. Сондай-ақ бұл емді жасау алдында емдеуші дәрігеріңізбен ақылдасып алғаныңыз абзал.
Ханшайым НҰРСАНАТҚЫЗЫ.