Кезеңіне сай кемелденген жан еш уақытта жеңдім деп тасымайды, жеңілдім деп жасымайды. Ұстанар қағидасы, ұмтылар мақсаты, көксейтін арманы, найзағай намысы ортақ, бірлігі жарасқан қоғам қашанда жеңіс тұғырында болары хақ. Бірдеңе деу үшін де бірдеңе білу керек. Әрі-беріден кейін үлкен саясаттан не түсінеміз?.. Сондықтан билікке де, халыққа да ОРТАҚ азын-аулақ болса да жеңісімізді алағай да бұлағай бұра тартпа пікірлермен дәмін қашырмай, үй ішінен жау іздемей, бір-бірімізге тілеулес бола жүріп, елдігімізді нығайтып, ертеңіміздің еңсесін биіктете берсек екен. «Мен сондаймын», «анау мұндай» деген лепірме сөз ешкімнің абыройын асқақтатпаса керек. Жамандықты қуа берсең, суырылып шыға береді. Орынсыз ойға ұрынбас бұрын, басыңның саулығын, жаныңның байлығын, айналаңның амандығын ойлағанға не жетсін.
Гүлмәрия Барманбекова
Фейсбуктегі парақшасынан