Бақыт деген не өзі? Жар ма? Алғаш үйленгенде, "Мен бақыттымын" деп айғай салғымыз келеді. Бірақ ыстық-суығың басылған соң, бір бақыт жетіспейтіндей болып тұрады. Әке болғанда тағы да "бақыттымын" деп жар салғың келеді бүкіл әлемге. Бірақ балаңның бір қылығына ғана көңілің толмай қалса, бақытты екеніңе күмән туады. Үй алғанда, басыңа баспана салғанда, сенің де отаның бар екеніңе қуанып өзіңді бақытты сезінесің. Бірақ бәрібір толық бақытты болуға бір бөлшек жетіспейтіндей болып тұрады. Машина аласың. Бұл да бір бақыт секілді. Айта берсе, барлығы өзінше бақыт, өзінше шаттық. Соған қарағанда толық бақытты ешкім жоқ секілді көрінеді менің көзіме. Бақыт деген ол осындай кішкентай бақыттардың жиынтығы. Ал, ол жиынтық шексіздікке ұласып кете береді...
Ержан Тәліп
Facebook-тегі парақшасынан