Орысқұл Ақмола қазақтың Астанасына айналып, тамырына қазақы қан жүгіре бастаған кез. Күллі дүкен атаулары да қазақшаланып, "продуктовыйдан" "азық-түлікке" ауыса бастайды. Мұны көріп жүрген бір ақмолалық орыс: "Ақмола дүкендерінің бәрін қазақ жігіттері сатып алыпты. Өздері ағайынды екеу екен", - депті. "Ия, ол бай екі жігіттің аты кім болды екен?" деп сұрағандарға әлгі орыс: "Азик, Тулик", - дейтін көрінеді. Міне, осындай ұсақ-түйектен бастап, әрең қазақша тіл сындыра бастаған Алаш астанасы қайтадан орыстанып кетпесінші өзі...
Қымбат Тоқтамұрат
Facebook-тегі парақшасынан