Бір жігітті білуші едім. Әкесі 39-ға, шешесі 36-ға келгенше бармаған әулиесі, қаралмаған емшісі қалмады. "Бәлен жерде түген деген әулиенің мазарына барғандар бала көтеріпті" деген мекеннің барлығын адақтап шықты. Ақыры, Алла тілектерін қабыл қылып, 40-қа жақындаған шағында мойнына бұршақ салып тілеген жалғыз ұлдары дүние есігін ашты. Сол кезде әкесі бүкіл әулие-әнбиенің атына Құран бағыштап, құрбандық шалған еді.
Жақында сол жігітті көрдім. Сақалды молынан жіберіп, балақты қысқартыпты. "Әулиеге бару, аруақтан медет тілеу ширк екен. Ата-бабамыз адасып келіпті" деп пәлсәпа соғып отыр. Не дерімді білмедім. Әкесі әулиеге барып, Алладан тілегенде, ата-бабаның жолымен "Бала бер, бала берсең сана бер. Сана бермесең ала бер" деп тілемеген-ау .
Оңғар Қабденов
Фейсбуктегі парақшасынан