"Ливерпульдің" бұрынғы ойыншысы, қазір футбол комментаторы атанған Джейми Каррагер футболшылардың Сауд Арабиясына жаппай ауысуына қарсы шықты. Бұл туралы Матч ТВ сайтына сілтеме жасаған KAZ.NUR.KZ хабарлайды.
Каррагер "Манчестер Сити" ойыншысы Бернарду Силваның Сауд Арабиясына ауысуы мүмкін екенін естіген соң, өткір пікірін бөлісті. "Бернарду Силва қазір нағыз бабында және соңғы бес жылдағы Еуропаның үздік ойыншыларының бірі саналады. Егер бұл орындалатын болса, ойын ережесін өзгертеді. Сауд Арабиясы гольфті, үлкен боксшылар кешін алды өзіне. Енді олар футболды жаулағысы келеді. Мұны дереу тоқтату керек", - деді Каррагер. Айта кетелік, әлем футболының жұлдызы Криштиану Роналду "Әл-Наср" клубында ойнайды. Сондай-ақ Карим Бензема мен Нголо Канте "Әл-Иттихад" клубына ауысқан болатын.