Министрлік ҰБТ-дан өтпей қалған 14 мың түлекке не істеу керек екенін айтты
![Министрлік ҰБТ-дан өтпей қалған 14 мың түлекке не істеу керек екенін айтты](/image/stub.png)
ҚР БҒМ Ұлттық тестілеу орталығының директоры Рамазан Әлімқұлов биылғы ұлттық бірыңғай тестілеудің қорытындылары туралы мәлімдеді, деп хабарлайды Sputnik Қазақстан тілшісі.
ҰБТ-2018: Ерекше шпаргалка жасаған түлек министрліктің қызығушылығын тудырды
Биыл ҰБТ республиканың 167 бекетінде өтті. Оның ішінде үшеуі – колледж базасында, 116-сы – мектеп және 48-і жоғары оқу орнында орналасты.
Жалпы 102 447 түлек ҰБТ тапсыруға өтініш берген. Соның ішінде 77 224, яғни 75%-ы – қазақ тілінде, 25 177, яғни 25% — орыс тілінде болса, 46 бала ағылшын тілінде тапсыруды жоспарлаған.
"102 447 түлектің ішінен 98 698-і Ұлттық бірыңғай тестілеуге қатысты. Шекті деңгейден өткендер саны 84 065 түлек, яғни 85%. Өкінішке қарай, 14 633 бала шекті балл жинай алмады. Орташа балл республика бойынша 83,1 балды құрады. Былтыр бұл көрсеткіш 80,5% болған еді. 9 баланың сынақ нәтижесі жойылды", — деп мәлімдеді Әлімқұлов Астанада өткен баспасөз мәслихатында.
Оның айтуынша, ағылшын тілінде тапсыруға өтініш берген 46 түлектің тек 28-і ғана ҰБТ-ға қатысқан. Соның ішінде бесеуі – Астанадан, жетеуі – Атыраудан, алтауы – Шымкенттен және қалғандары басқа қалалардан.
ҰБТ-ны ағылшынша тапсырғандардың орташа балы – 84,5.
"Биыл ең жоғары 140 балды Шиара Құдайбергенова жинады. Ол Алматы қаласындағы мектептің түлегі. ҰБТ-ны Қазақ ұлттық аграрлық университетінде 25 маусымда тапсырды",- деді Әлімқұлов.
Сондай-ақ, оның ақпаратынша, биыл мүмкіндігі шектеулі 51 бала ҰБТ тапсырған.
Орталық директоры осы жылы ҰБТ тыныш өткенін атап өтті.
50 балл жинай алмағандар тамызда ҰБТ-ны қайта тапсыра алады
Рамазан Әлімқұлов шекті балл жинай алмаған 14 633 түлек тамыз айында ҰБТ-ны қайта тапсыра алатынын айтты. Ол үшін олар 25 шілде мен 3 тамыз аралығында екінші рет тапсыруға өтініш беруі керек. Ал ҰБТ 15-19 тамыз аралығында өтеді.
Тамыз айында да шекті деңгейден өтпей қалса, онда қыста қайтадан тапсыруға мүмкіндік бар.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)