Білім грантынан үмітті колледж түлектері ҰБТ-ны қалай тапсырады
![Білім грантынан үмітті колледж түлектері ҰБТ-ны қалай тапсырады](/image/stub.png)
Ұлттық тестілеу орталығы колледж түлектеріне ескерту жасады. 2019 жылдан бастап барлық колледж түлегі ҰБТ тапсырады, қазір КТА деген жоқ. Колледж түлегі де ҰБТ-ны жылына 4 мәрте тапсыра алады, - деп хабарлайды Alashainasy.kz тілшісі "ҚазАқпарат"-қа сілтеме жасап.
Ол ҰБТ уақыты: наурыз, мамыр-маусым (негізгі ҰБТ деп аталып, қатысуға 2 мүмкіндік беріледі) және тамыз айлары.
Бүгін testcenter.kz сайтында негізгі ҰБТ-ның бірінші мүмкіндігіне өтініш беру басталды.
Ол 6 мамырға дейін жалғасады.
Ал 7 мамыр екінші мүмкіндікке өтініш қабылдана бастайды да, 14 мамыр аяқталады.
Егер сіз колледжде оқып бітірген мамандығыңызды жалғастырмай, басқа мамандыққа оқуға түскіңіз келсе, 5 пән (3 міндетті + 2 бейіндік) бойынша ҰБТ тапсырасыз.
Ол үшін тіркелу сайтында «Өткен жылғы мектеп және колледж түлектері» тетігін баса отырып ҰБТ-ға өтініш бересіз.
- Сіздерге тест тапсырмалар саны – 120;
- Жалпы уақыты – 4 сағат (240 минут);
- Жоғары балл саны – 140.
Егер сіз колледждегі мамандығыңызды жалғастырып, грант негізінде ЖОО-ға қысқартылған оқыту мерзімін көздейтін мамандықтарға түскіңіз келсе, өтініш беру бөлімінде «Қысқартылған оқуға түсетін колледж бітірушілері» санатын көрсетесіз.
ҰБТ-ны жалпы кәсіптік және арнайы пәндер бойынша тапсырасыз.
- Тестілеудің тест тапсырмалар саны — 60;
- Жалпы уақыты — 2 сағат (120 минут);
- Жоғары балл саны — 70;
- Шекті деңгей балы — 25, «Педагогикалық ғылымдар» білім саласы бойынша – 35 балл. Оның ішінде әр пәннен 5 балдан кем болмауы тиіс.
Егер сіз колледжді шығармашылық дайындықты талап ететін мамандық бойынша бітіріп, ары қарай осы мамандық бойынша грант конкурсына қатысқыңыз келсе, онда ҰБТ-ны арнайы пәннен тапсырасыз. Шығармашылық емтихан ЖОО-да өтеді.
Тестілеудің жалпы уақыты — 1 сағат 20 минут (80 минут).
Егер сіз колледждегі мамандығыңыз бойынша ақылы негізде ЖОО-ға қысқартылған оқыту мерзімін көздейтін мамандықтарға түскіңіз келсе, ҰБТ тапсырмайсыз.
Құжаттарыңызды ЖОО қабылдау комиссиясына өткізесіз.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)