Пайдалы өнім

Шымкенттегі Әл-Фараби атындағы орталық алаңда І «Халықаралық күркетауық фестивалi» ұйымдастырылды. Шараға ҚР ауыл шаруашылығы министрiнiң орынбасары Гүлмира Исаева, ТМД елдерiнде күркетауық өсiрумен айналысатын iрi кәсiпорын басшылары, Израиль мен Канада, Ресей елдерiндегi iрi компания президенттерi мен ғылыми-зерттеу институттарының өкiлдерi қатысты.
Дайындау технологиясы Ресейден алын­ған Ордабасының құс еті өнімдері шым­кенттік тұрғындар мен шетелдік ма­ман­дар­дың назарына ұсынылды. Мәсе­лен, күр­кетауық етiнен дайындалған қазы да сатылымға шығарылыпты.
Мұрат ТАҒАЕВ, «Ордабасы құс» ЖШС-ның бас директоры:
– Шындығында, күркетауықтың еті дәмді, ерекше нәрлi заттарға толы, етте холестерин мен май аз мөлшердi құрайды. Күркетауық етi басқа жануар­лардың етiмен салыстырғанда аллер­гия туғызбайтын жалғыз тағам болып табылады. Сондықтан да оны балалар мен қарт кiсiлердiң тағамы десек, қате­леспеймiз. Әрі диеталық тағам ретiнде құс етiнiң, оның iшiнде күркетауық етi­нiң ерекше бағаланатыны рас. Осы шараны өткізуіміздің басты мақсаты – халық арасында күркетауық етiнiң ден­саулыққа пайдалы екенiн жеткiзу болатын.
Шара аясында «Қазақстан Республика­сында күркетауық шаруашылығын дамы­ту» тақырыбында дөңгелек үстел де өтті. Бас­қосуда «Ордабасы құс» ЖШС-ның бас директоры Мұрат Тағаев кәсiпорынның қа­зiргi күйi мен болашағы туралы ой бө­лісті. Күркетауық кешенiн дамытудың ал­ғаш­қы кезеңiнде, яғни биыл 5000 тонна­дай ет өндiру көзделiп отырса, 2015 жыл­дың соңына қарай, екiншi кезеңде – 8000 тонна, 2017 жылдың соңында – 20 мың тонна, ал 2020 жылдың аяғында 30 мың тонна ет өндiру жоспарланып отыр екен.
Юрий МАРКОВ, Ресей ұлттық күркетауық өсiрушiлер қауымдастығының бас директоры:
– «Ордабасы құс» ЖШС-ның бола­шаққа белгiлеген жоспары өте сенімді. Осы бағытта кәсiпорын басшылары мен мемлекеттiң қолдауы жақсы үй­лесiп отырғанын көруге болады.Осы тұрғыдан ресейлiк инвесторлардың Қазақстаннан үйренерi де аз емес.
Жиын барысында Қазақстан құс өсiрушiлер одағының президентi Руслан Шарипов елдегi күркетауық шаруашы­лығын дамыту жайлы баяндама жасады. Из­раильдегi МАД компаниясының пре­зидентi Ави Паюрский күркетауық етiн өн­дiру кезiндегi қауiпсiздiк, «Кадди Фармз Лимитед 2008» компаниясының вице-пре­зидентi Скотт Чэмберс күркетауықтың ин­кубациялық жұмыртқасын өндiру жа­йында айтты.