«Алтын Орда» қожайыны базарды кәсіпкер Әлпиевке жалға беруден бас тартты

Сауда алаңы қожайындарының бірі, базарды жалға алушы Данияр Әлпиевпен келісім-шарт бұзылды, - деп хабарлайды Alashainasy.kz тілшісі Оrda.kz-ке сілтеме жасап.

Жалға алушы Данияр Әлпиевпен шарттық қарым-қатынасты бұзу туралы шешімді «Компания нөмірі бірінші» ЖШС базар иесінің өкілі Ізбасар Өтеулин жария етті. Orda.kz. редакциясына мәлімдеме бар видео жіберілді. Онда өкіл шенеуніктердің сауда алаңына жіті назар аударуы, арнайы мекемелердің түрлі тексерулері, түрлі заңбұзушылықтар мен келеңсіз әлеуметтік жағдай негізгі жалға алушы «Altyn orda new company» – мен келісім-шартты бұзуға әкелді.

«Маусым айының басында Премьер-Министр Әлихан Смайыловтың төрағалығымен Алматы қаласы мен Алматы облысы әкімдіктері орталық мемлекеттік органдары басшылығының, Бас прокуратураның, ҚР Үкіметі, ҚР Бәсекелестікті қорғау және дамыту агенттігі, ҚМА және басқалары осы мәселені көтерді. Смайылов жиында аймақтық ауқымда нарықта бақылаусыз олигополия құрылып жатқанын айтты. Тексеру нәтижесінде 300-ден астам заң бұзушылық анықталды», – дейді Өтеулин.

ЖШС өкілі Алматы облысы әкімдігінің мәліметі бойынша анықталған заң бұзушылықтар ішінара жойылғанымен, кәсіпкерлерден түсетін арыз-шағымдар көбейгенін атап өтті. Оның айтуынша, бұл ақырында шикізат бағасының бақылаусыз өсуіне әкелген.

«Қазір мемлекеттік органдар нарыққа кешенді тексеру жүргізіп жатыр. Сауда және тұтынушылардың құқықтарын қорғау департаменті сауда орындарын жалға беру бағасына қатысты нарықтағы кейбір заң бұзушылықтарды жариялады. Бәсекелестікті қорғау және дамыту агенттігі үстемдік пен монополиялық жағдайды теріс пайдалану фактілері бойынша тергеуді бастады. Сондай-ақ ағымдағы жылы санитарлық-эпидемиологиялық бақылау органдары өрт қауіпсіздігі саласындағы тексеру барысында сегіз заң бұзушылықты және 217 заң бұзушылықты анықтады», – дейді серіктестік өкілі.

Видеода Өтеулин көші-қон заңнамасын сақтау мәселесі нарықта мүшкіл жағдайда екенін, сондықтан әлеуметтік шиеленістің одан әрі өршіп кетуі мүмкін екенін айтады. Нәтижесінде Әлпиев пен оның серіктестігімен жалға беру келісімін бұзу туралы шешім қабылданды. Алайда, Өтеулиннің түсіндіруінше жалға алушы компанияның барлық қызметкерлері, басшылықты қоспағанда, бұрынғы жұмыс орындарында жұмысын жалғастыруда.

«Нөмір бірінші компания» Данияр Әлпиев басқаратын «Altyn orda new company» жалға алушы серіктестігімен жалға беру келісімін бұзу туралы шешім қабылдады. Бұл ретте, басшылықты қоспағанда, жалға алушы компанияның барлық қызметкерлері бұрынғы жұмыс орындарында жұмысын жалғастыра алады», – деді Өтеулин өзінің бейне үндеуінде.

Дегенмен ол  Әлпиевтің бұрынғыдай базар иелерінің бірі болып қала беретінін атап өтті.

Еске салайық, Қанды қаңтар оқиғасынан кейін түрлі органдар «Алтын Орда» базарына қызығушылық танытқан болатын. 2022 жылдың сәуір айында Бәсекелестікті қорғау және дамыту агенттігі прокуратурамен бірлесіп, көтерме және әмбебап базарларды тексерді. Олар «Алтын Орда» базарында монополияланған жоғары баға бар екенін нақтылады.