«Хабар» арнасында «Жастар жырлайды» деп аталатын айтыс өнерін әспеттеген жаңа бағдарлама өткен жылдың қыркүйек айының 11-інен бастап әр жексенбі сайын көрсетіліп келді.
Енді аталған жобаның екінші маусымындағы айтыстары өткізілуде. Апта сайын оза шапқан ақын жеңімпаз атанып, келесі кезеңге жолдама алады.
Айтысты талантты журналист, ақын, Мемлекеттік «Дарын» сыйлығының иегері Жанарбек Әшімжан мен белгілі әнші, сазгер Роза Әлқожа жүргізеді.
Жоба жетекшісі – белгілі тележурналист Арман Сқабылұлы.
Қадірлі Алаш жұрты! Төл өнеріміздің асыл қазынасы болған айтыс аламаны «Хабар» арнасынан қалың елге жыр ұсынуда. Сіздерді тамырлы тарихымыздың шежіресін шерткен сөз мұрагерлері сайысқа түсетін «Жастар жырлайды» телеайтысын тамашалауға шақырамыз. Аймақтық командалардың жыр додасын әр жексенбі күні сағат 17.40-та «Хабар» арнасынан көре аласыздар. Жас ақындарға қолдау білдірейік, ағайын.
Жырласа, жастар жырласын!
Последние статьи автора