Ақындар өлең оқып, ән салады

Қазақстан Жазушылар одағы Отан қорғаушылар күні мен Ұлы Жеңіс күні мерекелерінің дүбірі басылмай тұрып, ерекше дәстүрлі поэзия кешін өткізбек.
Бұл жолғы шараның әдеттегіден өзге­ше­лігі –  кеш барысында ақындар өз өлеңдерін оқып қана қоймай, басқа да шығармашылық қырларымен көрінбек. Бұдан бұрынғы кеш­терге негізінен белгілі эстрада жұлдыздары мен дәстүрлі ән өнерінің майталмандары ар­найы шақырылатын. Қазақтың қара өле­ңін төрге оздыратын кешке қатысатын аға буын мен кейінгі буын жас қалам иелерінің ара­сында кәсіби әншілермен таласқа түсе ала­тын таланттары даa жоқ емес. Мысалы, ақын, Халықаралық «Алаш» әдеби сыйлы­ғы­ның иелері – Жарас Сәрсек,  Маралтай Райым­бекұлы, Бақыт Беделхан сынды таны­мал ақындардың қазақтың қара домбы­ра­сымен әуелете ән шырқап, күмбірлете күй төгетін өнерлерін қарапайым оқырман біле бермес. Көптеген қазақ ақындарының ара­сын­да күйші де, биші де, суретші де, әнші де бар. Ендеше, құрметті оқырман, өздеріңіз шығармашылығын бағалайтын ақындарды жаңа қырынан тануыңызға мүмкіндіктеріңіз бар.
Ақындар өлең оқып, ән салатын ән-жыр кеші Қазақстан Жазушылар одағының Әде­биетшілер үйінде 11 мамыр күні, сағат 16.00-де басталады. Осы кеште өнерін орта­ға салсам дейтін жас ақындар болса, алдын ала Жазушылар одағына хабарласуларына бо­лады.
Өлеңсүйер қауымға есік ашық.
Ұйымдастыру алқасы