Барша мұсылман үшін қасиетті рамазан айының басталуына санаулы күндер қалды. Бүгін сол оразаның алдында еліміздің бас мүфтиі мен имамдар дәстүрлі үндеуін жариялады.
Сауап еселеп жазылатын бұл айда Ержан қажы Малғажыұлы халықты ораза тұтып қана қоймай, қайырымдылық жасауға шақырып отыр. Рамазан айы 18-маусымда басталып, 16-шілдеге дейін жалғасады. Қазірден бастап еліміздегі мешіттерде оразаның сауабын түсіндіріп, оны ұстау тәртібін үйрететін курстар ашылған. Алматылықтар үшін бүрсігүні Студентер сарайында «Берекелі мереке» атты шара өтеді. Онда жұрт оразаға қатысты сауатын аша алады. Ал, шілденің 17-сі күні мұсылман қауым Ораза айт мейрамын тойлайды. Оған дейін пітір садақалар төленуі керек. Оның мөлшері биыл да 200 теңге болып белгіленген. Мүфтиаттағылар жұрттың ораза ұстаған жандардың жағдайын ойлай жүруін сұрады.
Ержан қажы Малғажыұлы, Бас мүфти:
-Осы ораза кезінде той томалақты, құдай астарды күндіз емес, кешке ауыз ашардың уақытында жасаса. Сонда сол адам үлкен сауапқа кенеледі. Біріншіден сол жерге келген адамдар арасында ауыз бекіткендер болады. Сол ауыз ашады. Сол үшін ораза ұстағанның сауабын алады. Және тойлар арақсыз өтсе.
ktk.kz