Мәуліт атауы барша мұсылманның үлгісі болған Мұхамед (с.ғ.с.) пайғамбарымыздың өмірге келу құрметіне берілген. Араб тілінен аударғанда "туған күн" деген мағынаны береді.
Мәуліт мерекесін Пайғамбарымызға деген асқан құрметпен атап өтеді. Бұл ислам елдерінде кеңінен тойланады. Сирия, Алжир, Тунис, Марокко және басқа елде Мәуліт күні қалыс қалмайды. Пәкістанда бұл мереке үш күн тойланады.
Мұхамед (с.ғ.с.) пайғамбарымыз Құрайыш тайпасынан шыққан. Әкесі Абдулла, атасы Әбдімүтәліп. Анасының есімі - Әмина.
2021 жылы Мәуліт мерекесі 18-нен 19 қазанға қараған күнге сәйкес келеді. Мәуліт мерекесін тойлау исламда һижри IV-V ғасырлардан басталады.
Бұл күнді тойлаудағы негізгі мақсат - пайғамбар ғұмырын үлгі ету. Оның жүріп өткен өмірін, амалдарын, өсиетін ұрпаққа жеткізу. Ата-ананы құрметтеуге, сүннет жолын ұстануға үйрету. Пайғамбар көрсетіп кеткен жолды нұсқау. Өсиетін ескеру.
Мәуліт күні Құран оқылып мұсылмандар бас қосады. Сауапты амалдар атқарады. Бір-біріне сыйлық беріп, көңілін аулайды. Дінімізде рұқсат етілген өзге де сауапты амалдарды жасаудың артықшылығы жоқ.