Кофе, алкоголь. Невролог аяқтың тартылуына не себеп болатынын айтты
Аяқ немесе қол тартылып қалатын кездер болады. Неліктен бұлшықет тартылады, қандай препараттар оны қоздырады, қандай аурулардың симптомы болуы мүмкін және мұндай жағдайда өзіңізге қалай көмектесуге болады? Осы сияқты маңызды сұрақтарға невролог Алексей Шибалев жауап берді.
Аяқтың тартылуы кейде кез келген жағдайда, ұйқы кезінде, спортпен айналысқанда және демалу кезінде пайда болуы мүмкін.
Егер аяқ жиі тартылса, оның себептерін анықтау маңызды
"Көбінесе біз дененің бөлігінде неліктен бұлшықет спазмы бар екенін түсіне алмаймыз. Бірақ егер бұл жиі орын алса, әсіресе бір жерде дәрігермен кеңесу керек", - дейді невропатолог Алексей Шибалев.
Кімдерде аяқ жиі тартылады?
Спортшылар. Спорт кезінде бұлшықет спазмы әдетте бұлшықеттерге шамадан тыс күш салудан, стресстен, шамадан тыс терлеуден, кальций, магний және калийдің жоғалуы нәтижесінде пайда болады.
Жүктілік. Болашақ ананың денесінде кальций мен магний тапшылығына әкелетін өзгерістер орын алады.
Қарт адамдар. Олар жиі бұлшықеттерге қан ағымының төмендеуін сезінеді, бұл спазмды тудырады.
Үш жасқа дейінгі балалар. Нәрестелерде бұлщықет тартылуы өткір инфекция нәтижесінде дене температурасы көтерілгенде пайда болады.
Кофе мен алкогольді шамадан тыс пайдалану кезінде аяқ жиі тартылады.
Бірқатар дәрілерді қабылдау
"Кейбір препараттар бұлшықет спазмы тудыруы мүмкін, оның ішінде Альцгеймер ауруын емдеуге арналған кейбір препараттар бар. Сондықтан дәрі-дәрмекті қабылдамас бұрын нұсқауларды оқып, ықтимал жанама әсерлерді бағалау маңызды", - дейді дәрігер.
Бұлшықеттердің спазмы қандай ауруларды көрсете алады?
"Бұлшықеттердің тартылуымен бірге жүретін аурулардың ауқымы өте кең. Олардың ішінде инфекциялар, бауыр циррозы, созылмалы бүйрек жеткіліксіздігі, аяқ тамырларының атеросклерозы, варикозды тамырлар, қалқанша маңы бездерінің функциясының төмендеуі, қант диабеті, анемия, эпилепсия және т.б бар", - дейді ол.
Денеге не жетіспейді?
"Бұлшықеттердегі спазмалар кальций, магний, калий алмасуының бұзылуынан да болуы мүмкін. Сондай-ақ, олар D дәрумені мен В тобының жетіспеушілігінен туындайды", - дейді Алексей Шибалев.
Аяқ тартылуын емдеу
Сау адамның мезгіл-мезгіл пайда болатын бұлшықет спазмы қорқынышты болмауы керек. Олар емделмей өз бетінше кетеді.
Жиі және тұрақты түрде аяқ тартылатын болса алдымен олардың себебін анықтау және жою қажет.
