Қазақстан Журналистер және Жазушылар одағының мүшесі, Балғабек Қыдырбекұлы атындағы сыйлықтың лауреаты, белгілі сатирик-жазушы Ермахан Шайхыұлының «Мынауың жынды екен» деп аталатын кітабы жарық көрді.
Бұл кітап Мәдениет және ақпарат министрлігі Ақпарат және мұрағат комитетінің тапсырысымен шығарылып отыр. Белгілі сатирик Ермахан Шайхыұлының бұл жинағына әртүрлі жанрда жазылған шығармалары топтастырылған.
«Қазақ — ежелден әзіл-оспақ, сын-сықақ, қалжың-қылжақ айтуға шебер халық. Бұл — біздің қанымызға, бойымызға сіңіп кеткен игі қасиет. Орынды айтылған әзіл адам жанын жадыратып, бес күн жалғанды алты күн етіп, оның ғұмырын ұзартады. Олай болса, бұл кітапты тауып алып, басынан бастап аяғына дейін оқып шығыңыз. Алтын уақытыңыздың зая кетпейтініне бек сенімдіміз» деп жазылыпты кітаптың алғашқы таныстырылымында.
Ермахан Шайхыұлының бұған дейін «Ауыз тие отырыңыз», «Біртүрлі кітап», «Қазіргі қазақ сатирасы» атты кітаптары жарық көрген.