Жас ақындар жырлайды

1 Желтоқсан – Қазақстанның Тұңғыш Президенті күніне орай облыста түрлі іс-шаралар қолға алынып жатыр. Сондай мәдени іс-шараның бірі Өскемендегі орталық қалалық кітапханада ұйымдастырылды. Мұнда Қазақстан Республикасының Тұңғыш Президенті Нұрсұлтан Назарбаевқа арналып жыр мүшәйрасы өтті.
Шараға 20-ға жуық жас ақын қаты­сып, бақтарын сынады. Сайыс шарты бойынша әр ақын екі өлеңнен оқыды. Он­ың бірі Ел­ба­сын жырлауға арналса, екін­шісі еркін тақырып еді.
Жыр бәсекесінің қорытындысында бірінші орынды облыс орталығының ірге­сіндегі Шығыс ауылындағы №33 мек­тептің ұстазы Мұратхан Месейхан иеленсе, екінші және үшінші орындарды С.Аманжо­лов атындағы ШҚМУ-дың студенттері Қас­тер­бек Сайлауғазы мен Қызырбек Дәр­гін­байұлы қанжығаларына байлады. Ал мү­шәйраға қатысқан басқа ақындар ба­ғалы сыйлықтармен марапатталды.
Жыр додасында үздік болып танылған жас ақындар «Нұр Отан» ХДП-ның Шығыс Қазақстан облыстық филиалы мен Қазақ­стан Жазушылар одағының облыстық фи­лиа­лы бірлесе ұйымдастырып отырған 1 Желтоқсан – Тұңғыш Президент күні ме­ре­кесіне орай өтетін «Елі сүйген, елін сүйген Нар тұлға» атты облыстық жыр мү­шәйрасына жолдама алды.