Жақында ғана отау құрған жайдарманшы Мереке мен Арсеннің тойы желіде көпке дейін қызу талқыға түскен болатын. Көбі қызды «жас жігіттің басын айналдырып алдың» деп сөкті. Алайда, Мереке жұбайының жасы кіші болса да, ақылы үлкен екенін айтқан. Десе де, олардың үйленуіне туыс жақтан да қарсылықтар болыпты.
«Анам ғана бар. Әкеммен ажырасып кеткен. Анам бірден келісті, «иә» деді. Ол кісі бізді еркімізбен өсірді. 2 баламыз үйде. Бірақ әкем қарсылық білдірді», – деді Арсен 7-аранадан шығатын «Өз ойым» бағдарламасында.
Кейін жігіт жақ көнгенімен қыздың туыстары қиғылық сала бастаған. Бірақ бір-бірін сүйіп тұрған екі жасқа соңынада бәрі ақ батасын беріп, ұлан-асыр тойларын жасап беріпті.