2014 жылдың 16 тамызынан бастап «Қазақстан» ұлттық телеарнасынан жас ақындардың шығармашылығына арналған әдеби-танымдық «Поэзия әлемі» бағдарламасы көрерменге жол тартады.
Отандық телеарналарда поэзияға, әсіресе, жастар поэзиясына арналған жеке бағдарлама жоқ. Сондықтан да, осы олқылықтың орнын толтыратын «Поэзия әлемі» - бүгінгі қазақ ақындарының өмірі мен тыныс-тіршілігі, жеткен жетістіктері және олардың поэзиясымен таныстыратын эксклюзивті жоба. Жобаның мақсаты - поэзияны жаңа қырынан, жаңа форматта таныту, поэзияны оқуда биік талғам қалыптастыру, ағартушылық бағытында жұмыс жасау, бүгінгі қазақ поэзиясының жеткен жетістіктерін көрсету, қазақ поэзиясына жаңа леп әкелген жаңа есімдерді анықтау.
Сонымен қатар жеке ақынның өзіне ғана тән портретін жасап шығару және оның өміріндегі ең қызықты, ең қайғылы немесе ең шешуші сәттеріндегі мінез құлқы мен болмысын ашып көрсету шығармашылық топтың басты ұстанымы болып отыр. «Поэзия әлемі» бағдарламасының өзге әдеби танымдық бағдарламалардан ерекшелігі жас ақынның өлеңдеріне арнайы бейнебаяндар түсірілді.
«Поэзия әлемі» жобасының алғашқы кейіпкері – жастар әдебиетінің көш басында тұрған Маралтай Райымбек.
Осыған орай, «Қазақстан» Ұлттық телеарнасы көрермендерді 16 тамызда сағат 12.55-те «Поэзия әлемі» атты жаңа туындысын тамашалауға шақырады.
Ұлттық арнада "Поэзия әлемі" жарыққа шығады
Последние статьи автора