Төреғали Төреәлі әнші емес - Медеу Арынбаев
Танымал әнші Медеу Арынбаев осыдан бірнеше жыл бұрын Төреғали Төреәліні әншілер санатына қоспайтынын айтқан. Базарlike бағдарламасында ол бұл пікірін түсіндіріп берді, - деп хабарлайды Alashainasy.kz тілшісі KAZ.NUR.KZ-ке сілтеме жасап.
"Әнші дегеннің дәрежесі жай сөз еместігін айтқым келеді. Әнші деген - үлкен тылсым, феномен. Әнші деген - атақ. Мұны халық бере ме, өнер ұжымынан құрылған құрылтай бере ме... Уақытпен келетін нәрсе. Төреғали ол кезде бала ғой, құдай-ау.
Әнші емес дегенім, адам емес деген сөз емес. Ең жаманы - адам емес деген сөз.
Ол кезде Төреғалидің тұлға болып қалыптаспағанын айтқым келген. Қалыптасты. Әнді жеткізе алады. Бірақ дүлдүл әнші, бұлбұл әнші емес дегенім ғой. Вокалист емес дегенім ғой.
Вокалист деген - дауыс иесі. Бірақ ол әнші ме, әнші емес, тағы сұрақ. Бұл үлкен ғылым", - деді Медеу Арынбаев.
Айта кетелік, сұхбат барысында Арынбаев Қайрат Нұртас пен Димаш Құдайбергенге де өз бағасын берді.
